#نصائح_لتقوية_مناعة_طفلك 💪
هنتكلم عن تقوية المناعة للأطفال وازاي نقلل من الأمراض عموماً،، وبالذات الامراض الفيروسيه
وبالاخص واحنا داخلين علي فصل الشتا ودخول المدارس ...
كلامنا هيكون علي أكتر من بند
سلوكياً-غذائياً-دوائياً-الفيتامينات-التطعيمات
بسم الله ..
#سلوكياً
**هوي البيت وافتحي الشبابيك وبلاش الجو الفيروسي اللي عايشين فيه ده ⛅️
**غسل اليدين علي الاقل لمدة ١٥ ثانيه بصفة دوريه ع مدار اليوم..
**ابعدي كل الالعاب القطنيه عن اولادك
( الفيروسات عايشه ومتقوقعه فيها كمان)
**استخدمي مطهرات في غسيل ارضيات البيت
**علمي ابنك لما يعطس او يكح يعمل ايه كسلوك صحيح
**التدخين السلبي ..مصيييبه ف البيت 🚬
**افصلي الطفل اللي تعبان عن اخواته .. ولو بيروح حضانة أو مدرسة ممنوع يروح لحد ما ربنا يتم شفاه علي خير 👍
**بلاش التجماعات الحزبيه في البيت
خلي العيال تلعب وتتنطط..تعرفوا !؟؟
ان الاطفال مع اللعب جسمهم بيفرز مواد طبيعيه اسمها (اندروفين) ودا بيساعد علي تقويه المناعه وبالاخص في الشتا...👍
**وطبعاً بعد اللعب والشقاوه هيناموا نوم كافي وجسمهم هيستريح وبالتالي هيساعد في تقوية المناعه
**خارجين من البيت .☔️.طب تعرفي ان فيروس الانفلونزا بيتعرف علي الحراره المختلفه يبقي لازم نشرب ميه او نغسل وش الطفل قبل مايخرج ..
**الطفل الرضيع اهم حاجه ليه هي الرضاعه..🍼اه والله الرضاعه..مفيش بعدها مناعه...ونقط فيدروب يومياً
**الشور 🚿 مفيش مشكله منه بس نحافظ علي درجة الحراره ..مش ياخد شور ويطلع البلكونه...وافضل وقت قبل النوم
#غذائياً
- الأكل لازم يكون متوازن وصحي ،،خضار وفاكهة وسلطة ، بيض ، لبن ، أسماك ،اللحوم مع التقليل من الوجبات السريعة والمواد الحافظة والمشروبات الغازية
-الجوافه والبرتقال والليمون والكيوي ..🍋مليانين فيتامين c
-الموز ..🍌ماغنيسيوم بالهبل
-الطماطم🍅..فيها(ليكوبين) ودي ماده مضاده للاكسده وبتساعد علي تقوية المناعه ..
**السوايل الدافيه زي اليانسون والنعناع والتليو وشوربة الفراخ وعسل النحل🐝
#الفيتامينات
**فيتامين c نقط للاطفال الرضع ٥ نقط مره ف اليوم
زي : سيڤيلين نقط
**بنزود جرعة فيتامين د في الشتا لاخر توصيات من الاكاديميه الامريكيه لطب الاطفال 10 نقط من فيدروب يومياً
المصدر:
http://www.medscape.com/viewarticle/723993
**زيت السمك
زي اوميجا٣ وايفامول واوميجافيت
زيت كبد الحوت
زي هالواورانج وسڤن سيز
ودا بوست عنهم بالجرعات والفرق بينهم 👍
https://www.facebook.com/Tiba.Medical.Center/photos/a.510252675673662.117287.507554545943475/1097196743645916/?type=3&theater
#التطعيمات
☝️️مصل الإنفلونزا الموسمي
ودا بيتاخد مع بداية كل شتا في شهر ٩
مفيد وآمن جداً ومسموح من سن ٦ شهور فما فوق
ودا بوست بالتفصيل عنه وبالجرعات
https://www.facebook.com/Tiba.Medical.Center/posts/1234619113237011:0
☝️️مصل الإنفلونزا البكتيري
اصبح تطعيم إجباري وبيتاخد في الصحة عند ٢و٤و٦ شهور ..داخل ضمن حقنة الخماسي 👌
☝️️الأمصال الإضافية زي
المكورات الرئوية
والجديري
مهمين جداً مع دخول المدارس
اضغطوا علي الهاشتاج ده. #سلسلة_التطعيمات هتلاقوا فيه كل المعلومات عنهم
#دوائياً
وهنتكلم عن الأدوية المعترف بيها علمياً ومصنفة كمقوي مناعة ،، ومصدر الكلام لكل نوع فيهم 👍
☝️️برونكو فاكسوم. BRONCHO_VAXOM
ماده مستخرجه من أجزاء من البكتيريا المسئولة عن التهابات الجهاز التنفسي واللي بدورها بتحفز وبتنشط الجهاز المناعي ،، وبتقلل من أمراض الجهاز التنفسي
المصدر:
http://www.ncbi.nlm.nih.gov/pubmed/2756512
*موجود منه للأطفال علي شكل أكياس
ومسموح من سن ٦ شهور
وممكن نكرره مرتين في السنه
*بنحط الكيس علي عصير او ميه او لبن المهم شئ سايل كل يوم الصبح قبل الافطار لمدة ١٠ أيام من كل شهر لفترة ٣ شهور
مثلاً... الطفل هياخده في ايام من ٢٠-٣٠ في الشهر كده ١٠ ايام ...ونكرره في نفس الايام ل ٣ شهور متتاليه
*موجود منه للكبار من سن ١٢ سنه فما فوق بنفس الطريقه بس علي شكل كبسولات
#ملحوظه :الأدوية اللي هذكرها دلوقتي مستورده ،، هتلاقوها في الصيدليات الكبيرة
☝️️أعشاب الإكنيشيا ECHINACEA
بتلعب دور مهم في تحفيز الجهاز المناعي للجسم والتقليل من حدة أعراض البرد والإنفلونزا بنسبة من ٤٥٪-٥٨٪ بحسب آخر الدراسات
المصدر:
http://www.webmd.com/vitamins-supplements/ingredientmono-981-echinacea.aspx?activeingredientid=981&
*مسموح من سن سنتين
*موجود بنفس الاسم علي شكل شراب
Echinacea syrp
وعلي شكل كاندي
Martians with echinacea
☝️️بيتا جلوكان Beta glucan
ودا عباره عن مادة طبيعية مستخلصة من خميرة عالية النقاء ومعروفة بإسم "ويلميون"
بتحفز وبتنشط الجهاز المناعي للجسم ضد الأمراض الفيروسية والبكتيرية
المصدر:
http://www.ncbi.nlm.nih.gov/pubmed/17895634
*مناسب للأطفال من سن ١٠ سنوات والبالغين
*موجود علي شكل كبسولات اسمها #ڤيڤاميون_للأطفال_١٢٥
☝️️عسل المانوكا MANUKA HONEY
ودا عسل من نيوزليندا ،، النحل اللي بينتجه بيتغذي علي رحيق أزهار شجرة المانوكا
مثبت علمياً للاطفال فوق ٤ سنوات كمنشط للمناعة وبعض مشاكل الجهاز الهضمي
المصدر:
http://www.webmd.com/a-to-z-guides/manuka-honey-medicinal-uses
وفيه منه انواع للبالغين ومعترف بيه دولياً
موجود للأطفال بإسم
Manuka honey kids syrp
#وياريت لو جبنا علاج مستورد او من برا نراجع الدكتور المتابع في الجرعات والمدة 🌹
ليست هناك تعليقات:
إرسال تعليق