#الدكتورة_ماما
هنا هتلاقي كل الادوية المبدأيه بالجرعات تقدر كل ام تستعين بيه ولا يغني عن زيارة الطبيب طبعاً
#خوافض_الحراره
**قبل ٦ شهور
-البارسيتامول هو الافضل كأمان للطفل
زي:
سيتال نقط..نقطتين لكل كجم
يعني لو الوزن ٥ كجم يبقي ١٠ نقط
كل ٤ او ٦ ساعات
**بعد ٦ شهور
-البارسيتامول شراب
زي سيتال وابيمول
جرعته الوزن علي ٤
يعني لو الوزن ١٠ كجم يبقي ٢.٥سم
كل ٤ او ٦ ساعات
-البروفين شراب
نصف الوزن كل ٤-٦ساعات
يعني لو الطفل ١٠كجم
يبقي ٥ سم كل ٤ او ٦ ساعات
**بعد سن سنه
الباراسيتامول والبروفين زي ما قولنا
مع
-الديكلوفيناك زي
+كاتافلاي شراب
الوزن علي ٣
يعني لو ٩ كجم يبقي ٣ سم كل ٨ ساعات
+او الشهير
دولفين او فولتارين لبوس فيه منه تركيز
١٢.٥ و ٢٥ و ٥٠
لبوسه١٢.٥ او اتنين لكل ١٠ كجم في اليوم كله
ولو تركيز ٢٥ بعد سن سنتين ويكون وزنه كويس
+او الكاتافلام نقط
نقطه لكل كجم في اليوم كله
يعني لو ١٢ كجم
يبقي ٤ نقط كل ٨ ساعات
يمكن استخدام كاتافلاي شراب او كاتافلام نقط بعد ٩شهور عند الضرورررره (الحراره الاوفر) فقط بالجرعات المسموحه
#الكمادات : تكون بمياه فاتره من الحنفيه ومسموح نحط عليها معلقه خل.. وافضل اماكنها: جانبي الرقبه -تحت الابط- اسفل البطن- بين الافخاد
ومفيش مانع لو الحراره اوفر الطفل ياخد شور الاول او ننزل نصفه السفلي تحت الميه ونمسح ع ايديه ووشه بالميه ..او نحطه في البانيو بتاعوه وتكون الميه وصله فوق مستوي السره لمدة ربع ساعه
#ادوية_البرد
** قبل ٦ شهور
فنيستيل نقط
نقطه لكل كجم في كل جرعه مرتين يوميا
يعني لو ٥ كجم يبقي ٥ نقط مرتين
ولازم نتاكد ان صدره كويس لانه بينشف المخاط بقوه وبيصعب خروجه وبالتالي بيزود الكحه
**بعد ٦ شهور
-تيلفاست او فاكسون شراب
٢.٥ سم مرتين
-زيرتك واخواته نقط
نقطه لكل كجم بالليل
يعني لو ٧ كجم
يبقي ٧ نقط مساء
**بعد سنه
-تيلفاست او فاكسون نفس الجرعه
-زيرتك واخواته ٥ سم بالليل
#الزكام
افضل نقط للانف هي محلول الملح
زي لايس واترويفين سالين
وجرعته زي ما انتي شايفه المهم نوز الطفل تبقي مفتوحه ديما
الاقوي منه بخاخ ماء البحر
ودا افضل وبخي في النوز بقوه لانها بتعتمد علي قوة الدفع
وجرعتها براحتك
زي
فري نوز-ميني سينومارين -فيزيومير بيبي
-فيه نقط للبرد بتحتوي علي مزيل الاحتقان
زي اوتريفين للبرد اطفال
رينكس اطفال
اوكسيمت اطفال
ودي لا يفضل استخدامها اكتر من ٥ ايام علشان متقلبش بنتيجه عكسيه وتعمل رشح مستمر
#ادوية_الكحه
كافسيد لبوس فيه نوعين واحد للاطفال والتاني للرضع
حتي سن سنتين للرضع مرتين
بعد سنتين للاطفال مرتين
بنتاميكس وبرونشيكم وايفروسبان
ملعقه صغيره قبل سنه ٣ مرات
بعد سنه ملعقه كبيره ٣ مرات
وجرعتها مفيش اي قلق منها لان كلها اعشاب
#الاسهال
ان اهم حاجه في حالات الاسهال هو محلول الجفاف زي
هيدروسيف
لوهيدران
ودا بنحط الكيس علي ٢٠٠ مل ماء مغلي ومبرد (طعمه بيفرق وهو بارد) نعطي للطفل منه ببطئ شديد ملعقه كل ٥ دقايق سواء بالسرنجه او بالمعلقه...ع الاقل ٥٠ مل في المره ...حوالى فنجان
☝️الادوية الآمنه للاسهال
**قبل ٦ شهور
اكياس لاكتيل فورت ..كيس ع ربع كوب ميه مره او مرتين
** بعد ٦ شهور
نيتازود او نانازوكسيد .. مرتين لمدة ٣ ايام
انتينال او دياكس ٣ مرات
لاكتيل فورت اكياس
وطبعا مش كل اسهال علاجه مضادات للاسهال ..ممكن سببه بكتيريا او طفيليات او عدم تحمل اللاكتوز ....الخ ،، الكشف مطلوب 👌
#الترجيع
**حقن:
زوفران او دانست او ايمرست
١سم لكل ١٠ كجم... يعني لو وزنه ٥ كجم نصف سم ..١٠ كجم ١سم..عضل
كورتيجين او كورتيلكس ٥٠ ..عضل
**ادويه:
جست رج او تريتون
مرتين قبل الاكل
جرعته : نص وزن الطفل علي ٢...يعني لو ١٠ كجم ياخد ٢.٥ سم مرتين قبل الاكل بربع ساعه
☺ملحوظه صغننه علشان حبايبنا
#موضوع الدولفين عموما
كل الادويه هي في النهايه كيماويات وسلاح ذو حدين يصب في مصلحة الطفل لو اتاخد مظبوط وممكن يضره لو اتاخد اووفر علشان كده قلنا الجرعات...
الافضل والامان للطفل استخدام البارسيتاموال والبروفين اولا طبعا مع الكمادات ونخلي الدولفين واخواته لو الحراره لسه عاليه وبالجرعات اللي ذكرتها ف البوست وبكده يبقي استخدامنا مفيش فيه misuse والافضل طبعا بعد سنه
#بعض الجرعات اللي ذكرتها قابله للنقصان والزياده
زي الكاتافلاي
1.8 ديكلوفيناك =1 مل من الدوا
وجرعته من 1الي3 mg لكل kg في اليوم كله
انا حسبت علي 1.8 ممكن حد يحسب علي 1 فالجرعه تقل وممكن حد تاني يحسب علي 2.5 فتزيد وهكذا..الغرض تبسيط المعلومه للام
#كلمة كحه بسيطه يعني !!
كحه مش مخنوقه مفيش معاها نهجان ومفيش معاها مخاط قافل صدر الطفل ...لكن اي حاجه من دي كشف فورا
اتمني يفيدكم 👌
#الدكتورة_ماما
❤️❤️❤️
د.إيهاب الامام
ليست هناك تعليقات:
إرسال تعليق